wróćo  
  Naša šulska nowina

Wot lěta 1997 wuńdźetej  kóždy měsac w našej šuli nowinje a to serbsce  jako "Šulske nowiny" a němsce jako "Unsere Schule", zo bychmy nowosće ze šulskeho žiwjenja podali. Tuta so kóždemu šulerjej přepoda, zdźěla tež we woběmaj rěčomaj, kaž sebi to staršiski dom přeje. Wobě wudaći přewozmje tež naša gmejna Ralbicy-Róžant a wozjewi je tež měsačnje we swojej "Gmejnskej nowinje", kotraž so tohorunja do kóždeje domjacnosće gmejny dwurěčnje podała.

**********************************************************************************************

Šulske nowiny - wulki róžk

2012

 

 

        Serbska srjedźna šula Ralbicy 

UNESCO projektna šula

Šula z ideju 2007

                                                                        

                                       

 

 

Ovale Legende: Lěpše pismo a pěkny być, to su moje předewzaća! Předewzaća a přeća našich šulerjow a wučerjow za nowe lěto:

 

Ovale Legende: Chcu swoje znamki polěpšić a wuspěšnje 10-tku zakónčić! ___________________________________________________________________2.             

2. šulski adwentny wolejbulowy turněr

Póndźelu, dnja 19. hodownika 2011 wotmě so wječor w našej sportowej hali 2. šulski adwentny wolejbulowy turněr. Přeprošeni běchu starši, šulerjo 9. a 10. lětnika kaž tež wučerjo na zhromadny sportowy a zabawny wječor. Mustwo wučerjow wudoby sej 1. městno, mustwo 9. lětnika 2. městno a 1. mustwo 10. lětnika 3. městno. Wutrobny dźak wuprajimy wšitkim, kiž su k poradźenju tuteho wječorka přinošowali.

                                  

 

                                         

                         

 

 

Zajimaweho ze chemije

 

 

                                Ješćaty wulkan                     

Wubuchnjenje wulkana je wulkotny a zdobom strašny fenomen w přirodźe. Z pomocu mało materialijow hodźi so tajke wubuchnjenje napodobnić.

 

 

 

 

                                                                                     

 

Textfeld: Trjebaš: -          jednu plastowu blešu (0,5l) -          dwaj pakćikaj pječenskeho próška -          muku -          wěko črijoweho kartona -          pěsk -          kisało -          nopašk -          čerwjenu krepowu papjeru -          jednu łžicu -          jedyn lik                               

 

 

 

 

 

 

     

              

 

 

 

  1. Napjelń prózdnu blešu z dwěmaj pakćikomaj pječenskeho próška a runje telko muki.
  2. Wotstaj blešu do wěka črijoweho kartona. Napjelń městno wokoło bleše z pěskom, tak zo nastanje hora.
  3. Nalij nopašk z tróšku kisałom a připołož někotre šlebjerdki čerwjeneje krepoweje papjery. Změšej wšitko derje. Po tym, zo je so kisało sčerwjeniło, wuwzaj papjeru.
  4. Wulij kisało z nopaška z pomocu lika do bleše. Wobkedźbuj derje!

 

Što so stanje?

Po krótkim času stupa čerwjene kisało –

tak mjenowana “lawa” – z bleše. To zaleži na  

reakciji kisała z pječenskim próškom. Měšeńca 

ješći, dokelž nastanje mjez druhim wuhlikowy 

dioksid. Wupřestrěwa so w bleši, doniž nima

hižo dosć městna a stupa ze sudobja.

 

Wubuchnjenje wulkanow                                                         

Při wubuchnjenju wulkana tłóči so běžita kamjenizna přez zemsku skoru. Tute horce, běžity masy pod zemju mjenujemy magma. Po wubuchnjenju přeměni so wona na lawu.

Wulkany nadeńdźemy na kraju ale tež pod wodu. Wubuchnje wulkan w morju, móže samo nowa kupa nastać.